Convocatoria axudas INOU 2012

Infórmase ao persoal investigador do campus de Ourense da publicación da Resolución Reitoral do 07 de maio de 2012, pola que se convocan axudas a grupos de investigación do campus de Ourense. O texto da convocatoria e formularios a poden atopar en http://vicou.uvigo.es/investigacion no apartado CONVOCATORIAS --> ABERTAS --> LOCAIS.

-------------------------------------------

Axudas para o fomento da investigación e innovación empresarial.

ORDE do 11 de abril de 2012 pola que se establecen as bases reguladoras para a concesión, en réxime de concorrencia competitiva, das subvencións para o apoio ao crecemento empresarial mediante o fomento da investigación e a innovación empresarial no ámbito da Comunidade Autónoma de Galicia, cofinanciadas polo Fondo Europeo de Desenvolvemento Rexional (Feder), no marco do Programa operativo Feder Galicia 2007-2013, e se procede á súa convocatoria para o ano 2012 (códigos de procedemento IN841A, IN841B e IN841C).

Nesta convocatoria as Universidades poden concorrer como subcontratadas, no procedemento IN841C.

Para a presentación da solicitude, por parte das empresas beneficiarias, é preciso a achega dun contrato ou carta de intencións que poden atopar no seguinte enderezo: http://www.uvigo.es/uvigo_gl/investigacion/convenios/modelos/

Deben ter en conta que, o custo da subcontratación  poderá incluír os conceptos que a continuación se indican:

• · Persoal propio: O seu custo non poderá superar o 25% do custo total da subcontratación.
• · Persoal  adicional técnico-científico: A contratación deberá realizarse durante o período de vixencia do proxecto e polo importe concedido para o concepto. Dita contratación será a tempo completo con persoal sen vinculación laboral actual ou nos dous últimos anos coa Universidade.No anexo VI da convocatoria, establécense os custos máximos por categoría profesional a aplicar.

• · Material inventariable: adquisición de equipamentos e instrumental precisos para a realización do proxecto, na medida e durante o período que se dediquen ao proxecto (amortización do  equipamento e instrumental adquirido para o proxecto). Aconséllase non solicitar dotación para este concepto.
• · Material funxible.
• · Servizos tecnolóxicos externos.
• · Viaxes relacionados coa coordinación do proxecto e realizados polo persoal asignado.

Máis información:

Marta Vila Garrido
Servizo de Apoio á Investigación e Desenvolvemento da UVigo
986 81 19 42
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

• • Consellería de Economía e Industria: http://economiaeindustria.xunta.es/dxidi (epígrafe de “Axudas”)
  • 981957387 e 981957392 (Anexo I) - 881999160 e 881999156 (Anexos II e III)
  • Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

-------------------------------------------

Trámites nos expedientes dos proxectos do Ministerio de Economía y Competividad e o antigo MICINN

Infórmase ao persoal investigador do Campus de Ourense, que a canle para realizar as accións de tramitación (emendar, alegacións, instancias xenéricas e documentación requirida) nos expedientes dos proxectos do Ministerio de Economía y Competividad e o antigo  Ministerio de Ciencia e Innovación, é a aplicación habilitada para tal fin no seguinte enderezo web: https://sede.micinn.gob.es/facilita/logOutAction.do

Sobre aquelas accións de tramitación que precisen da sinatura telemática por parte da representante legal da institución, antes de proceder a subir a documentación á aplicación do Ministerio, deberán informar previamente á Vicerreitoría do Campus de Ourense enviando un correo electrónico coa documentación a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , para o seu visto e prace previo por parte da representante legal.

-------------------------------------------

ALTA NA LISTA DE CORREO DESTINADA AO PERSOAL INVESTIGADOR DO CAMPUS DE OURENSE.

A lista de correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo xunto coa páxina web http://vicou.uvigo.es/investigacion son as canles empregadas pola Vicerreitoría do Campus de Ourense, a través do Negociado de apoio á Investigación, para notificar ao persoal investigador a información de interese relacionada co I+D+i.

O persoal investigador do Campus de Ourense interesado en tramitar a súa alta nesta lista de correo, deberá facelo a través da páxina web: https://listas.uvigo.es/ , seleccionar a lista ou_inv e realizar os trámites de subscrición que se indican.

O Catálogo de Grupos de Investigación do Campus de Ourense, como medio trasmisor do potencial investigador deste Campus, recolle a información básica sobre a denominación, contacto, composición, servizos e liñas de investigación que desenvolven os grupos de investigación nos diferentes ámbitos do coñecemento.

O Centro de Investigación, Transferencia e Innovación (CITI), é un novo centro creado pola Universidade de Vigo en colaboración coa Xunta de Galicia no 2005. O CITI ten como misión potenciar o desenvolvemento do I+D+i nas empresas, mediante a creación de espazos de colaboración para favorecer e transferir coñecemento dende a Universidade ao tecido empresarial a través do desenvolvemento de proxectos conxuntos de I+D+i relacionados co ámbito agroalimentario, biotecnología, enerxía, medio ambiente e tecnoloxías da información.

A Universidade de Vigo, e en particular o Campus de Ourense, acolle unha masa crítica de grupos de investigación no ámbito de actuación do CITI altamente competitivos, de gran proxección, e cunha alta capacidade de captación de recursos externos, formados en Centros estatais e internacionais. Neste contexto o CITI nace como un centro de investigación co obxectivo de proporcionar as infraestructuras necesarias para manter e mellorar o nivel científico acadado, proporcionar valor engadido e vantaxes competitivas para a captación de recursos externos, e subministrar servizos centralizados a ésta e outras universidades e centros de investigación públicos ou privados relacionados co ámbito de actuación do CITI.

A estrutura do CITI e a súa ubicación no parque Tecnolóxico de Galicia (TECNOPOLE), facilita a transferencia das tecnoloxías desenvolvidas no Campus de Ourense. O edificio é un elemento nuclear para a realización das tarefas de investigación, innovación e transferencia do coñecemento do Campus Ourensano, onde a Universidade relaciónase coas empresas e desenvolve proxectos conxuntos a partir da transferencia do coñecemento adquirido, onde xorden ideas innovadoras sobre as que construír novas empresas. Xorde, pois, como un lugar:

• • Para crear coñecemento a partir da investigación
  • Para transferir coñecemento desde a Universidade ao tecido empresarial, a través do desenvolvemento de proxectos conxuntos
  • Fonte de ideas innovadoras a partir das cales construír novas empresas

Oficina de Proxectos

  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
  988 387 404
  988 387 401
 CITI - Avda. Galicia 2 - Parque Tecnolóxico de Galicia (TECNÓPOLE) - San Cibrao das Viñas - 32900 - Ourense

O Centro de Apoio Científico Tecnolóxico á Investigación (CACTI) ten como obxectivo prestar apoio instrumental, científico e tecnolóxico nas labores de investigación, desenvolvemento e innovación que se realicen na Universidade de Vigo, outros organismos públicos de investigación e empresas, proporcionando equipos e instalacións cuxa especificidade, alto nivel tecnolóxico ou custo, fan aconsellable a súa adquisición e mantemento de xeito centralizado, de modo que poidan ser utilizados por todo o persoal investigador da comunidade científica, racionalizando así o seu réxime de explotación.

O CACTI dispón de dúas sedes unha en Ourense e outra en Vigo.

Servizos CACTI OURENSE

Servizos CACTI VIGO

O servizo de Seguridade Alimentaria e Desenvolvemento Sostible conta en Ourense coas seguintes unidades:

• • Espectrometría atómica analítica (Absorción atómica)
  • Unidade de preparación de mostras (ASE - Extracción acelerada con disolventes, Dixestión con Microondas)
  • Análise elemental (Análise elemental)
  • Espectrometría de ICP-MS (ICP-MS)
  • Cromatografía (Espectroscopía de gases-masas, Espectroscopía de HPLC-masas-masas, Cromatografía GC-FID, Electrocromatografía capilar, Cromatografía iónica, HPLC-fluorescencia)

 Contacto (delegación CACTI Ourense)

Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo (Carmen Meijide)
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo (Cristina Pérez)
988 387 414
CACTI –Avda. Galicia 4, 2º piso, Parque Tecnolóxico de Galicia  TECNÓPOLE - San Cibrao das Viñas - 32900 – Ourense

Oficina de Transferencia de Resultados de Investigación (OTRI)

A xestión das actividades de transferencia é realizada pola Oficina de Transferencia de Resultados de Investigación (OTRI).

As súas funcións poden estructurarse en tres grandes áreas:

• • Área de promoción e mercadotecnia

• • Área de valorización e protección (patentes)

• • Área para a creación de empresas de base tecnolóxica (EBT)

Oficina de Contratos de Investigación da UVigo

Cada vez é máis frecuente e necesario que a I+D aplicada e o desenvolvemento tecnolóxico que se realiza na Universidade se leve a cabo dende as primeiras etapas, en colaboración con outros axentes do sistema de innovación, fundamentalmente coas empresas.

Neste sentido distinguimos dúas vías de realización das actividades de I+D+i:

I+D por encargo: unha empresa ou organización encárgalle á Universidade a realización dun proxecto de I+D, propón os obxectivos, asume os riscos e paga o seu custo, e finalmente dispó dos resultados. Esta actividade formalízase mediante un contrato.

I+D colaborativa: os participantes dos proxectos involucran os seus recursos, comparten riscos e obxectivos e distribúen a propiedade dos resultados. Formalízase mediante un convenio ou acordo de colaboración.

En ambos os casos, as organizacións poden acudir ás diversas axudas públicas para obter financiamento das súas actividades de I+D+i.

Para calquera consulta ou xestión sobre contratos e convenios coa Universidade de Vigo pode dirixirse a Oficina de Contratos de Investigación.

• Regulamento de cursos e convenios da UVigo

• Modelos  de Contratos e Convenios I+D+i (Proxectos I+D, Informes, Cursos)

A Vicexerencia de Internacionalización é a estrutura xerencial de apoio ao equipo de goberno en temas relacionados coa investigación, a transferencia e a súa proxección internacional, ben mediante a procura de recursos externos e complementarios ás axudas xa existentes, ben pola constitución de consorcios e a achega de socios no marco de proxectos colaborativos, garantindo en todo momento:

1. A mellora dos procesos de xestión de proxectos de I+D en tódolos campus e en concertación cos diferentes servizos e unidades
2. A internacionalización dos servizos de I+D para acadar unha maior visibilidade da Universidade de Vigo
3. A coordinación e a tramitación de proxectos, contratos, procesos e instrucións relativas á I+D
4. A integración de forma gradual e paulatina de tódolos servizos e oficinas que prestan apoio ás diferentes vicerreitorías de Investigación, Transferencia e Relacións Internacionais
5. O seguimento e contribución ao ciclo de mellora continua dos procesos e procedementos relativos a xestión de actividades de I+D

Regina Carreira López
Vicexerenta de Internacionalización

  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
  986 818 739
  Vicexerencia de Internacionalización. 2º andar. Edif. Xerencia Servizos Centrais. Campus de Vigo

  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
  986 812 052
  Servizo de Apoio á Investigación Ed. Xerencia Servizos Centrais Campus de Vigo

Cátedras

A Universidade de Vigo mantén acordos de colaboración no ámbito da docencia e a investigación con distintas Institucións, Asociacións e Empresas da provincia de Ourense.
Dentro do ámbito da investigación científica e tecnolóxica a Vicerreitoría do campus de Ourense, coordina as actividades que se desenvolven nas cátedras:

Constitúese no ano 1999 coa finalidade de colaborar na docencia, formación e investigación, así como promover acordos específicos cos grupos de investigación da Universidade de Vigo que desenvolven a súa tarefa investigadora nos campos que atinxen ás actividades do Grupo COREN. 

Creada no ano 2008, o obxectivo fundamental desta cátedra e impulsar o Campus universitario de Ourense como referente da I+D no sector alimentario e, especialmente nos temas relacionados coa nutrición.

Financiada polo Instituto Ourensán de Desenvolvemento Económico, ocúpase especificamente de promover e incrementar o desenvolvemento científico e tecnolóxico do Campus de Ourense. 

Ten como obxectivos fundamentais fomentar a transferencia de coñecemento entre as empresas que teñen a súa sede no Parque Tecnolóxico de Galicia  e os equipos de investigación da Universidade. Neste sentido pretende impulsar o Centro de Investigación, Transferencia e Innovación (CITI) como punto de encontro entre os equipos de investigación e as empresas instaladas no Parque Tecnolóxico de Galicia.

Convenios

Neste apartado infórmase ao persoal investigador do Campus universitario de Ourense, interesado en promover a través desta Vicerreitoría un convenio entre a Universidade de Vigo e outra entidade, empresa ou institución, o procedemento a seguir para a súa sinatura.  

Contratación de persoal con cargo a proxectos de investigación (Normativas e Calculadora de Custos de Contratos)

Contratos Programa da Universidade de Vigo

Solicitudes de alta/baixa dun investigador nun grupo de investigación da Universidade de Vigo

Produción Investigadora

Comité da Ética (formularios e normativa)

Terceiro Ciclo - Posgrao

Secretaría Virtual da UVigo

Resolucións da Comisión de Investigación da UVigo

• Provisionais
• Definitivas

Formularios

• Ficha persoal de pagos por transferencia

Información de Interese

• Orde de Peche Exercicio 2011